Rekrutterings- og samhandlingstilskot
Modell for å sikre ernæringsbehandling på tvers av tenestenivå
Prosjektet skal bidra til god og forsvarleg samhandling kring ernæringsbehandling på tvers av tenestenivå.
Prosjekttittel: Modell for å sikre ernæringsbehandling på tvers av tenestenivå
Hvem: Seksjon for klinisk ernæring, Medisinsk Klinikk, Haukeland universitetssjukehus, FoU-avdelinga og Voss sjukehus, Haukeland universitetssjukehus, Bergen kommune og kommunane i Voss lokalsjukehusområde
Tildelt tilskudd i kroner: 556 000,-
Hva: Målet med prosjektet er å jobbe for god og forsvarleg samhandling kring ernæringsbehandling på tvers av tenestenivå, og at dei avgrensa ressursane for klinisk ernæringsfysiolog som er tilgjengeleg i helsefellesskapet vert best mogeleg utnytta. Prosjektet skal bida til auka pasientsikkerheit i form av betre ernæringsoppfølging og færre komplikasjonar relatert til underernæring, samt styrka samhandling og informasjonsflyt mellom sjukehus, fastlegar og kommunale tenester i ernæringsarbeidet.
Tiltak for å oppnå dette er å tilsetje ein klinisk ernæringsfysiolog for å jobbe som bindeledd mellom spesialisthelsetenesta og primærhelsetenesta. Viktige oppgåver vert rådgiving og støtte til kommunane, sørge for betre flyt av informasjon kring ernæring mellom tenestenivå og utarbeide tverrgåande pasientforløp for ernæringsbehandling og gjere desse kjent.
Prosjektet er eit samarbeid mellom Haukeland universitetssjukehus, Bergen kommune og kommunane i Voss lokalsjukehusområde.
Hvorfor (potensiell samfunnsnytte og overføringsverdi): Underernæring er utbreidd i helse- og omsorgstenestene. I tillegg til dei negative konsekvensane for pasienten, medfører underernæring høge kostnadar for samfunnet. Det er difor viktig å jobbe systematisk for å førebyggje og å behandle underernæring. Ernæringsbehandling tek tid, og held gjerne fram etter at pasienten er skriven ut frå sjukehus, og krev samhandling på tvers av tenestenivåa.
Prosjektet har stor overføringsverdi til dei andre partane i helsefellesskapet. Vi håpar at prosjektet kan ha nasjonal nytteverdi for framtidas organisering av ernæringsbehandling.
Kontaktperson; Linn Anja Slåke Vikøren, leiar for Seksjon for klinisk ernæring, Haukeland universitetssjukehus, linn.anja.slake.vikoren@helse-bergen.no